Галоўная старонка

6 жніўня ў Варшаве Офіс Сьвятланы Ціханоўскай, Аб’яднаны пераходны кабінэт і Каардынацыйная рада разам правялі канфэрэнцыю «Новая Беларусь 2023». На ёй адкрыта абмяркоўваліся супольныя дасягненьні і няўдачы дэмакратычных сілаў за апошні час, а таксама далейшыя пляны і бачаньне будучыні Беларусі

КАНФЕРЭНЦЫЯ НОВАЯ БЕЛАРУСЬ. 6 жніўня прайшла Канферэнцыя Новая Беларусь 2023, у якой удзельнічалі больш чым 200 беларусаў і беларусак. Былі прадстаўнікі Палка Каліноўскага, Кіберпартызанаў, Народных амбасадаў, палітычных партыяў, фондаў і ініцыятываў. Канферэнцыя пачалася з хвіліны маўчання па загінулых беларусах. Потым Святлана Ціханоўская адкрыла Канферэнцыю, пасля яе да ўдзельнікаў звярнулася старшыня Рады БНР Івонка Сурвіла. Прайшлі тры панэльныя дыскусіі, на якіх абмяркоўвалі стратэгію дзеянняў, геапалітычны выбар і будучыню новай Беларусі. Напрыканцы Канферэнцыі Святлана Ціханоўская падвяла вынікі. Як прайшла Канферэнцыя – глядзіце па спасылцы.

Напярэдадні канферэнцыі «Новая Беларусь» удзельнікі Круглага стала палітычных лідараў выпрацавалі дэкларацыі: Палітычную дэкларацыю дэмакратычных сілаў Беларусі; Дэкларацыю аб сяброўстве Беларусі ў Еўрапейскім Саюзе; Дэкларацыю дэмакратычных сілаў Беларусі пра салідарнасць з народам Украіны; «Выбары 2024» – гэта падман і імітацыя: Заява дэмакратычных сілаў Беларусі.

ПАШПАРТ НОВАЙ БЕЛАРУСІ. 6 жніўня на Канферэнцыі «Новая Беларусь 2023» прадстаўнік Аб’яднанага Пераходнага Кабінета па замежных справах Валер Кавалеўскі выступіў з прэзентацыяй новага пашпарта для беларусаў.

Каардынацыйная Рада з’яўляецца адзіным прадстаўнічым органам беларускага грамадства. Яна ствараецца з ініцыятывы Святланы Ціханоўскай з мэтай арганізацыі працэсу пераадолення палітычнага крызісу і забеспячэння згоды ў грамадстве, а таксама для абароны суверэнітэту і незалежнасці Рэспублікі Беларусь. Рада дзейнічае на падставе асноватворных прынцыпаў Канстытуцыі Рэспублікі Беларусь. КР не мае на мэце захопу дзяржаўнай улады неканстытуцыйным шляхам, не заклікае да арганізацыі і падрыхтоўкі дзеянняў, якія парушаюць грамадскі парадак

Мэта: прыняцце мер па стабілізацыі сітуацыі ў краіне, забеспячэнні перадачы ўлады і абароне суверэнітэту і незалежнасці Рэспублікі Беларусь.

У студзені 2023 года МУС Беларусі прызнала Каардынацыйную раду экстрэмісцкай арганізацыяй.

  Паводле беларускага заканадаўства, удзельнікам экстрэмісцкіх фармаваньняў пагражае турэмнае зьняволеньне

  Раней, у 2021-2022 гадах, беларускія суды прызнавалі інтэрнэт-рэсурсы Рады экстрэмісцкімі матэрыяламі

14 і 15 ліпеня ў Гарадку на Падляшшы прайшоў «Фестываль абуджаных TUTAKA».

Да сустрэчы з Святланай Ціханоўскай і пачатку канцэртнай праграмы ў гасцей фестывалю „Tutaka” была добрая нагода атрымаць новыя веды падчас-майстар-класаў. Асаблівая ўвага была нададзеная маленькім наведвальнікам – для іх майстар-клас праводзілі „Мова Нанова” з Маляванычам, які расказваў казку.

Пазней да фэсту „Тутака” далучылася мастацкая рэзідэнцыя „Дома Творцаў”, якая функцыянуе цяпер у Беластоку. Адна з прац, прадстаўленых на падзеі, была прысвечаная загінуламу палітвязню-перформеру Алесю Пушкіну.

Фэст „Тутака” меў насычаную праграму, таму да імпрэзы прыцягнутыя і каля 10 валанцёраў

Мастачка і перформерка Яна Шостак абвесціла пра свой намер балатавацца ў парламент Польшчы. Як адзначыла актывістка, яе шлях пачнецца з Падляшша і ёй неабходна падтрымка і дапамога беларусаў.

Першы дзень фестывалю завяршыўся сапраўдным дваровым канцэртам. Гасцей свята цешылі гурты „Dzieciuki”, „Квардзік“, а таксама Уладзімір Пугач (J:МОРС).

Акцёр Аляксандр Ждановіч (ён жа – Маляваныч), які зладзіў на фэсце “Тутака” беларускую батлейку, у другі дзень імпрэзы правёў гульні з дзецьмі.

На другі дзень фестывалю увага гасцей была скіравана на майстар-класы і спартыўныя гульні. Выдатнае надвор’е толькі спрыяла добраму настрою ўдзельнікаў свята.

У праграме мерапрыемстваў фестывалю таксама адбылася прэзентацыя кнігі Аляксандра Чарнухі «Свінні», якая была перакладзеная на беларускую мову.

Урачыстае адкрыццё канцэртнай праграмы другога дня распачалося з відэазварота старшыні Рады БНР Івонкі Сурвіллы. Канцэрты праходзілі з удзелам NOCHY, BOTANIC PROJECT, DLINA VOLNY, DAJ DAROHU. Усю ноч можна было танчыць пад музыку PAPA BO SELEKTAH.

Адкрытую лекцыю “Калі сонца было богам…” прапаноўваў клуб “Beer & History”.

Падчас урачыстага адкрыцця канцэрту да наведнікаў звярнуліся Святлана Ціханоўская і Павел Латушка. Адразу пасля іх звароту адбылося выступленне гурта “Дай дарогу”.